Saturday, 05 de July do 2008

E pur si chove.

Somos carne de roxón

Ista é unha “criación” que lle dictei a Zajar recén esperto e sen erguerme da cama no Nadal do ano pasado, para ser cansinamente exactos, o día 20. Que a sufrades con saúde…

Xa foron,
da caste dos afoutos loitadores
na impostura da batalla
de sangue ceibe e quente,
xuntos, atravesados por mando;
xuntos, cun intre de morno atino.

Non volveron,
ninguén soubo
canto de zuna inserida
e canto de muda ignorancia.
O que querían contar os vivos,
ante só a cinsa,
a morte dixo.

O xantar de medianoite
a cea da alborada.
Unha androlla de miolos
e un caldo sen fabas.

A vida en desgaste
unha artesa con armas
non pasamos traballos
e morremos sen canas.

8 Setembro 2007 | Clasificado como Aínda non sei, Cançao por testa, Carmina comulgapta, Intro Versións 

comentarios

3 Comentarios to “Somos carne de roxón”

  1. AntiTheosis on 11 Setembro 2007

    Na liña desa “criación” ocurriuseme o outro día cando andaba un pouco influído polo licor cafe, coller a melodía da famosa canción de “María Isabel” e poñerlle a letra: “Denantes mortos que escravos, ai, que escravos, ai, que escravos […]
    O resto da letra queda como exercicio…

  2. Iliá Ilich on 11 Setembro 2007

    Benquerido amigo AntiTheosis,
    brillante o teu comentario.
    Vai cagar á aira.

  3. Gelbros J3 on 12 Setembro 2007

    A lingua galega é bela, máis cando se emprega con acerto e, como pasou comigo, un descubre interesantes palabras co diccionario na man e un soriso de satisfacción nos beizos…

    (Confeso)

Deixa un comentario




*
To prove you're a person (not a spam script), type the security word shown in the picture.
Anti-Spam Image